infurmaziuns dad a‑Z
anniversari
Nus festivain mintg’anniversari egl Artgin. Igl uffant astga purtar ina marenda d’anniversari per tuts, quai è voluntari.
annunzia/inscripziun
Ti lessas annunziar tes uffant durant l’onn da scola current? Lura t’annunzia tar la manadra da la gruppa da gieu.
Artgin
L’Artgin consista ord la gruppa da gieu e la gruppa da gieu dal guaud da Trin. “Artg” signifitgescha in artg da plievgia per rumantsch. L'”Artgin” è pia il pitschen artg da plievgia.
avantmezdi da fufragnar
In avrigl survegnan tut las famiglias cun uffants che vivan a Trin e che correspundan alla vegliadetgna dals clients dal Artgin ina invitaziun per in avantmezdi da fufragnadi. Ils novarrivads s’annunzian directamain tar Jessica Rada.
buttiglia da baiver
Mintg’uffant survegn en l’Artgin in’atgna buttiglia da baiver. Quella vain laschada en igl Artgin ed emplenida e schubregiada dalla manadra.
communicaziun
Infurmaziuns da las manadras dallas gruppas da gieu vegnan tramessas per WhatsApp. Sche quai è giavischà autramain, per plaschair communitgar quai a la manadra da la gruppa da gieu.
contact
Manadra da la gruppa da gieu
Jessica Rada
079 408 56 57
artgin@famicabel.ch
cura
Mintgamai glindesdi, mardi, gievgia e venderdi l’avantmezdi da las 08:45-11:15 uras. (La realisaziun dependa dal dumber d’annunzias per di). Ina giada per emna ha lieu l’avantmezdi la gruppa da gieu dal guaud. Ils dis da las gruppas da gieu e las uras purschidas pon variar dad onn tar onn. S’infurmescha perquai per plaschair mintg’onn davart nossa purschida. Per las datas exactas, guarda per plaschair il formular d’annunzia.
custs
gruppa da gieu Artgin contribuziun annuala 500 fr. per avantmezdi
gruppa da gieu Artginper il guaud: contribuziun annuala 500 fr. per avantmezdi
emna da scola da skis
Il schaner ed il mars han mintgamai lieu ina emna da scola da skis. La participaziun è facultativa. Durant questas duas emnas n’è nagin Artgin.
l’assicuranza
L’assicuranza è chaussa dals geniturs.
lavur cun geniturs
La collavuraziun cun ils geniturs è fitg impurtanta per nus. Al cumenzament da l’onn da gruppa da gieu datti la 1. emna da scola ina saira d’infurmaziun. Las manadras d’Artgin stattan da tut temp a disposiziun als geniturs per il barat persunal.
l’instituziun purtadra
L’uniun purtadra da la gruppa da gieu “Artgin” è dapi ils 1.1.24 l’uniun Famicabel. Avant era quai la Cuminonza Romontscha da Trin.
Persuna responsabla per l’Artgin dall’uniun Famicabel è:
Daniela Capatt
079 628 98 53
vorstandartgin@famicabel.ch
malsogna/perstgisas
Sch’in uffant vess dad esser malsaun u absent, per plaschair informar la manadra. Uffants malsauns na s’audan betg egl Artgin.
marenda
Nus supplitgain da dar cun a l’uffant ina marenda sauna (senza buttiglia da baiver). Marendas adattadas èn verduras sco era snacks sco crackers, guaflas da ris u chaussas semegliontas.
nua
Artgin gruppa da gieu: En la chasa, Via Scarneras 17 a Trin Digg.
Artgin gruppa da gieu en il guaud: En divers lieus en il guaud enturn Trin Digg.
occurenzas specialas
Son Niclà, Nadal, Tschaiver e.u.v. vegnan festivads era en igl Artgin. Informaziuns suandan via WhatsApp.
retratga
Ils custs da 500 fr. vegnan pajà a l’entschatta da l’onn d’Artgin ed èn da pajar independentamain da la preschientscha regulara d’in uffant. Ils custs pon vegnir restituì mo en cas excepziunals motivads u pon vegnir transferì sin l’onn suandant. Dumondas per reducir la contribuziun annuala u per pajar en ratas pon vegnir drizzadas al presidi da l’ uniun famicabel u directamain al cassier.
Rumantsch
Trin è ina vischnanca bilingua. Damai che nus havain surprend igl Artgin dalla Cuminonza Romontscha, esi nossa finamira da sustenair vinavant questta cultura. Cun duvrar il lungatg en rituals, gieugs ni era chanzuns vegnan ils uffants sensibilisà per la bilinguitad. Uschia vulessan nus facilitar als uffants l’access a la scoletta bilingua.
stgalfins
Mintg’uffant porta l’emprim di da l’Artgin ils stgalfins. Quels vegnan laschads en l’Artgin. Sche ils stgalfins èn memia pitschens, als dain nus puspè a chasa als uffants.
vacanzas/firads
Correspunden al plan da vacanzas da la scola Trin.
vegliadetgna
L’Artgin stat a disposiziun per tut ils uffants interessads da 3 – 5 onns fin a l’entrada da scolina (decisiv è l’annada).
vestgadira
Per plaschair trair en vestgadira che dastga vegnir tschuffa (malegiar e zambregiar). Mintgatant giain nus ora el liber. Per quai trair en vestgadira adattada a l’aura u purtar cun questa.
vestgadira da reserva pezs da reserva
Per plaschair dar cun vestgadira da reserva e pezs da reserva (sche necessari) en il satgados.
