Davart l'Artgin

“Artgin” è rumantsch e vul dir artg pign. Dapi l’entschatta 2024 è l’uniun Famicabel la purtadra dalla gruppa da gieu “Artgin”. Ella ha surprì quella incumbensa dall’uniun Cuminonza romontscha Trin.

Nus purschain als uffants sequenzas manadas, gieu liber, sequenzas per far emprimas experientschas el zambregiar e malegiar. Rituals èn impurtants per nus da dar segirtad als uffants. Sin la plazza da gieu vischinonta pon ils uffants sa mover, raiver, zambregiar ed ir sin viadi d’exploraziun e rimnar experientschas el contact social.

Nossa devisa

Nus guardain sin mezs dis structurads e sin rituals che sa repetan regularmain. Quai dat als uffants segirtad ed els sesentan bain. Cun accumpagnar, cun observar e cun sustegnair attentamain promovain nus l’autonomia dals uffants ed als gidain da stabilir e da tgirar contacts socials.

“Mintgin dastga, nagin sto.” Nus purschain in rom segir, ils uffants pon sa mover en quel e vegnan integrads en decisiuns e l’organisaziun da l’mintgadi egl Artgin.

“Tgi che sa rumantsch sa dapli” La lingua rumantscha è ina part impurtanta da nossa cultura communala. Cun rituals, gieus e chanzuns vegnan ils uffants plaschaivlamain en contact cun la lingua rumantscha.

Il pli impurtant en furma concisa

Tgi: uffants da 3 fin 5 onns

Cura: glindesdi, mardi, gievgia e venderdi, l’avantmezdi da las 08:45-11:15.

Nua: Artgin gruppa da gieu: En la chasa, dalla gruppa da gieu, Via Scarneras 17, a Trin Digg. Artgin gruppa da gieu da guaud: En divers lieus en il guaud enturn Trin Digg.

Custs: Artgin gruppa da gieu ed Artgin gruppa da gieu da guaud: contribuziun annuala mintgamai CHF 500 per avantmezdi

Ulteriuras indicaziuns chattas ti sut infurmaziuns dad A-Z.