Team
Jessica Rada
“Jau sun maridada e mamma da dus uffants. Il 2012 hai jau terminà la scolaziun sco manadra da gruppa da gieu, dapi lura hai jau plaschair da manar gruppas da gieu.
Il 2022 hai jau en pli terminà cun success la scolaziun en gruppas da gieu da guaud. Accumpagnar ils uffants en la gruppa da gieu è per mai il pli bel job. Da vesair crescher els ed als accumpagnar sin lur via m’accumplescha cun plaschair.”
Flurina Beeli
“Jau sun creschida si a Sagogn, dapi l’avrigl 2021 abitesch jau cun mes partenari a Trin vitg. Mia scolaziun sco manadra da gruppa da gieu hai jau fatg il 2015 a Wil SG tar la IG gruppas da gieu Svizra.
A mai èsi impurtant da viver la lingua rumantscha en moda plaschaivla e creativa cun ils uffants en l’Artgin. Igl è ina fitg bella incumbensa d’accumpagnar ils uffants e da vesair lur svilup durant ils dus onns.”
Simone Freiburghaus
“Esser en la natira munta per mai fortuna!
Viver cun tut ils senns las stagiuns, scuvrir il mund, experimentar, zambregiar e siglir en ils paltauns.
Da parter quai cun ina gruppa d’uffants plain mirveglias è tant pli bel. Jau sun mamma da dus mats ed abitesch cun mia famiglia a Trin Mulin. Jau sun educatura d’uffants pitschens e pedagoga dalla natira (Feuervogel).”
Corina Arpagaus
(Manadra auxiliara)
«Igl è adina puspè bel da vesair quant mirveglius, interessà, entusiastics, creativs e plain plaischar da viver ed engeria che uffants èn. Els ma fascineschan adina puspè.
Jau abit cun mia famiglia a Trin Mulin e sun creschida si a Tersnaus en Val Lumnezia. Ils ultims dus onns hai jau sustegnì sco manadra auxiliara la gruppa da gieus da guaud a Maladers. Ussa ma legrel jau da dar vinavant mias experientschas en l’Artgin e d’accumpagnar ils uffants da Trin sin lur via.»
